महेन्द्र आदर्श नमुना मावि मुसिकोट नगरपालिका ७वामीटक्सार गुल्मीको शैक्षिक सत्र २०८१ को शैक्षिक अवलोकन भ्रमण सम्पन्न भएको छ।
नमुना माध्यमिक विद्यालयको रुपमा प्रस्तावित विद्यालयले आफ्नो विद्यालयमा भन्दा अन्य विद्यालयमा सिकाइ र शिक्षणको क्षेत्रमा भैरहेका असल अभ्यासहरुको अवलोकन र प्रयोग गर्ने अपेक्षासहित अवलोकन भ्रमण गरिएको विद्यालयका प्रधानाध्यापक देवीराम शर्माले जानकारी दिनुभयो ।
अघिल्लो शैक्षिक सत्रमा विद्यालय व्यवस्थापन समितिले शैक्षिक अवलोकन भ्रमण गरेको र यसवर्ष शिक्षक स्टाफको अवलोकन भ्रमण गरिएको सहायक प्रधानाध्यापक धनपति खरेलले बताउनुभयो ।
प्रत्येक वर्ष विद्यार्थीहरुलाइ मात्र शैक्षिक अवलोकन भ्रमण गराइएपनि समिति र स्टाफलाइ पनि भ्रमण गराउदा त्यसले परिवेश र परिस्थितिलाइ बुझेर विद्यालयलाइ गुणस्तर वृद्दिमा सहयोग पुग्ने सहायक प्रधानाध्यापक अनन्तलाल भण्डारीले बताउनुभयो ।
विद्यालयको भ्रमण टोली शनीबार भ्रमण सुरु गरी सोमबार समन्न गरेको छ । भ्रमणमा ३३ जना शिक्षकस्टाफको सहभागिता रहेको विद्यालयका मावि संयोजक डिल्लिराज खरेलले बताउनुभयो ।
विद्यालयबाट बाग्लुङ्ग, पर्वत, म्याग्दी, कास्की, स्याङ्जा जिल्लाका विभिन्न विद्यालय र सोही ठाउका प्राकृतिक , धार्मिक, सास्कृतिक, पर्यटकिय क्षेत्र, कृषि क्षेत्र, मौसम, जनजीवन, आदिको बारेमा अवलोकन भ्रमण गरिएको र त्यसले सिकाइमा सहजिकरण हुने विद्यालयका विज्ञान शिक्षक बिक्रम कार्कीले बताउनुभयो ।
विद्यालय सुधार योजना अन्तरगत बनाइएको योजना र विद्यालय व्यवस्थापन समितिको निर्णय बमोजिम अवलोकन भ्रमण गरिएको प्रधानाध्यापक शर्माले बताउनुभयो ।
भ्रमणमा शिक्षक समीक्षा आचार्य, निमावि संयोजक रामचन्द्र सापकोटा, प्रावि संयोजक बेदप्रसाद सापकोटाले सहजिकरण गर्नुभएको थियो ।
